Eth Govèrn destinarà mès de 452.000 èuros annaus ara futura residéncia de gent grana de Les
- Finançarà 30 places residenciaus e 10 d’atencion diürna
Eth Govèrn dera Generalitat ampliarà es mejans tranferidi pera Generalitat ath Conselh Generau d’Aran en matèria d’accion sociau e destinarà 452.301 èuros annaus ara futura residéncia entara gent grana e centre de dia deth municipi de Les.
De son costat, eth Conselh Generau d’Aran trabalhe ena reforma d’ua bastissa existenta entara implantacion dera residéncia e centre de dia per un montant aproximat de 2 milions d’èuros. Eth nau equipament darà servici ath vessant nòrd dera Val d'Aran.
A trauès d’aguest acòrd, era Generalitat garantís eth foncionament e manteniment des naues places residenciaus e d’atencion diürna que se meteràn en òbra un còp eth Conselh daurisque eth nau centre.
Er acòrd tanben preve un agraniment dera dotacion economica destinada ath servici d’Atencion Domiciliària (SAD) que s’aplicarà a mesura qu’eth Conselh Generau d’Aran tanben aumente eth rendement d’aguest servici.